Նորություններ / Հանդիպում Հայաստանի լիզինգատուների ասոցիացիայի նախագահի հետ

Հայաստանի ապահովագրողների միության գործադիր տնօրեն Թամարա Հաբեթյանը հանդիպում է ունեցել Հայաստանի լիզինգատուների ասոցիացիայի նախագահ Արսեն Բազիկյանի հետ։ 

Հանդիպման ընթացքում քննարկվել են երկու ոլորտներում առկա իրավիճակը, ինչպես նաև Հայաստանի ապահովագրողների միության և Լիզինգատուների ասոցիացիայի միջև համագործակցության հնարավոր ուղղությունները։

Հաշվի առնելով այն հանգամանքը, որ ապահովագրական համակարգը և լիզինգային շուկան սերտորեն փոխկապակցված են միմյանց հետ՝ Ապահովագրողների միության և Լիզինգատուների ասոցիացիայի միջև արդյունավետ համագործակցությունը կարող է դառնալ հարթակ նոր ծրագրերի իրականացման համար, որը կնպաստի ոլորտային համախմբմանը և կստեղծի բարենպաստ պայմաններ բիզնես միջավայրի և ֆինանսական համակարգի կայուն զարգացման համար։