Նորություններ / ՀԱՄ-ը՝ «Հայաստանում բժշկական զբոսաշրջության զարգացման ներուժն ու հեռանկարները» թեմայով համաժողովի մասնակից

ՀԱՄ-ը՝ «Հայաստանում բժշկական զբոսաշրջության զարգացման ներուժն ու հեռանկարները» թեմայով համաժողովի մասնակից

Սույն թվականի մայիսի 7-ին կայացավ ՀՀ զբոսաշրջության կոմիտեի կողմից կազմակերպված՝ «Հայաստանում բժշկական զբոսաշրջության զարգացման ներուժն ու հեռանկարները» թեմայով համաժողովը։ Համաժողովի շրջանակներում կազմակերպվել էր նաև պանելային քննարկում, որի բանախոսների թվում էր Հայաստանի ապահովագրողների միության գործադիր տնօրեն Թամարա Հաբեթյանը։ Պանելային քննարկման ընթացքում ՀԱՄ գործադիր տնօրենի ներկայացրած հիմնական ուղերձներն էին․

  • Հայաստանում բժշկական զբոսաշրջության զարգացմանն ուղղված քայլերից մեկը կարող է հանդիսանալ բժշկական սխալից մասնագիտական պատասխանատվության պարտադիր ապահովագրության ներդրումը, որը ծածկում է դատական հայցերի պաշտպանության և կարգավորման հետ կապված ծախսերը։ Ապահովագրության այս տեսակի ներդրումը կբարձրացնի բուժման նպատակով Հայաստան ժամանող արտասահմանցի զբոսաշրջիկների վստահությունը Հայաստանի առողջապահական և իրավական համակարգի նկատմամբ՝ թույլ տալով վերջիններիս խնդիրների առաջացման դեպքում խուսափել իրենց համար անծանոթ դատական համակարգի գործընթացներում ներգրավվելուց։ 

  • Առողջապահական համակարգում միջազգային ստանդարտների ամբողջական ներդրումը և կիրառումը թույլ կտա մատուցել միջազգային ստանդարտներին համապատասխանող բարձրորակ առողջապահական ծառայություններ, նվազեցնել ապահովագրական հայցերի կարգավորման ժամկետները և մերժման դեպքերը, իսկ բժշկական զբոսաշրջության զարգացման տեսանկյունից հնարավորություն կտա ընդլայնել զբոսաշրջիկի հայրենի երկրում ունեցած բժշկական ապահովագրության ծածկույթը՝ փոխհատուցելով Հայաստանի Հանրապետությունում մատուցված բուժծառայությունների արժեքը։

Վերջին նորությունները